Busverkéier
Dank der Hëllef vu latenightbus.lu ginn et eng ganz Rei Méiglechkeete fir ouni Auto op den Zürcher Bal an d’LuxExpo ze kommen. Fir méi Nohalteg ze sinn, leeë mir all Mensch un d’Häerz mam Bus ze kommen. De Busplang gëtt op latenightbus.lu verëffentlecht.
Um Retour fiert all Bus déi Dierfer un, déi en och op der Hifaart ugefuer ass. Um Retour kann een an all deenen Dierfer (also déi och op der Hifaart ugefuer goufen) op all offiziellem Arrêt (mat bloem Bus-Schëld) erausklammen, wou de Bus laanschtfiert. An der Stad kann een um Retour néierens aus dem Bus eraus klammen. Dofir fiert den Tram e bësse méi laang. Infoen iwwer den Tram kann en op mobiliteit.lu fannen.
Parking
Fir eis Gäscht déi mam Auto ukomme gëtt et natierlech e Parking virun der Luxexpo (Parking Nord recommandéiert). Dëse Parking huet 750 Platzen an ass dee ganzen Owend souwéi och den Dag dono nach op, fir déi Leit déi léiwer mat enger Navetten heemfueren an den Auto den Dag drop siche kommen. Um Parking gëllt en Tarif forfaitaire vu 5 €. Mir wëllen op dësem Punkt och drun erënneren, dass mir gratis Navetten zur Verfügung stellen.
Hei e Plang vun der Luxexpo a wou de Parking läit.
